ދަރިން ޒިންމާދާރު ބަޔަކަށް ހެދުން

”ޢީލުމީ އަލި“ ރޭޑިއޯ ޕްރޮގްރާމް

ނަންބަރ 00/2007

ދަރިން ޒިންމާދާރު ބަޔަކަށް ހެދުން

ޕްރޮގްރާމް ހުށަހެޅުމުގައި ބައިވެރިވި މީހުން

ޕްރެޒެންޓަރ:      އިސްމާޢީލު ޙަބީބު

އޮޕަރޭޓަރ        …………………..

…………………..

އިންޓަވިއު: ސްކޫލެއްގެ އިސްވެރިއެއް ނޫނީ ތަޖުރިބާ ހުރި މުދައްރިސެއް

 

ޕްރޮގްރާމް އަޑު އެޅުމަށް ބޭނުންވާ މީހުން:

ޕްރޮގްރާމު ހުށަހެޅުމަށް: 2ނެރޭޓަރ ޖުމުލަ: 2 މީހުން

ޑްރާމާއަށް:       މަންމަ      …………………………………

ދަރިފުޅު          …………………………………

ބައްޕަ      ………………………………….

ސުރުޚީ: ދަރިން ޒިންމާދާރު ބަޔަކަށް ހެދުން	ރެކޯޑް ކުރުން: …………………………………
ނަންބަރު: ………………………………………	ފޮނުވާތާރީޚް: ………………………………….
ލިޔުނީ: އާމިނަތު ޝާފިޔާ އާދަމް	ފޮނުވާގަޑި: ހެނދުނު:6:45
ޕްރޮޑިއުސަރ: އިސްމާޢިލު ޙަބީބު ޢަބުދުއްރަޙީމު	ފަށްކުރުން: ރޭގަނޑު 8:45

 

ފާހަގަ: މިއީ، ޢިލްމީ އަލީގެ 2007ވަނަ އަހަރުގެ … ވަނަ ޕްރޮގްރާމް. މިޕްރޮގުރާމު ފޮނުވާނީ، …………………….ވާ ބުދަ ދުވަހު ހެނދުނު 6:45 ގައި. ފަށްކުރުން ހަމައެދުވަހުގެ ރޭގަނޑު 8:45 ގައި. ފާހަގަ ނިމުނީ.

 

ތީމް:      ތީމު މިޔުޒިކު ފަށައި 15ސިކުންތު ވީމާ އަޑުމަޑުކޮށްލައި އަޑުދަށުގައި ބެހެއްޓުން.

އެނަ:      ޢިލުމީ އަލި

އެނަ(1):    އައްސަލާމު ޢަލައިކުމު. ރޭޑިއޯގެ އެންމެހައި އެހުންތެރިނަށް މަރުހަބާއާއި ހެޔޮއެދުންތައް އަރިސްކުރަން.

މިހަފުތާގައި ޢިލުމީ އަލީގެ އާޕްރޮގުރާމަކާއެކު މިބައްދަލުކޮށްލީ އަޅުގަޑު އިސްމާޢިލު ޙަބީބު، އަދި އަޅުގަޑު ………………. . މިޕްރޮގުރާމުގައި މިއަދު އަޅުގަޑުމެން ބަލައިލާނީ އަޅުގަޑުމެންގެ ދަރިން ޒިންމާދާރު ބަޔަކަށް ހެދުމުގެ ބޭނުންތެރިކަމުގެ މައްޗަށް.

އެނަ(2):    އެއްވެސް ޝައްކެއް ނެތްގޮތުގައި އަޅުގަޑުމެން އެންމެންވެސް އުއްމީދު ކުރަނީ އަޅުގަޑުމެންގެ ދަރީންނަކީ ޒިންމާދާރު މަސްއޫލިއްޔަތު އުފުލަންދަންނަ، އަމިއްލަ ގޮތްތަކަކާއި، ބިނާކުރަނި އަމިއްލަ ޚިޔާލު ތަކެއް ލިބިފައިވާ އުފެއްދުންތެރި ކުދިބައަކަށް ވުމަށް.

އެނަ(1):    މުޖުތަމަޢަށް ފައިދާ ހުރި މުވާޠިނުންތަކެއް އަޅުގަޑުމެންނަށް ބިނާކުރެވޭނީ މިހާރުގެ ކުޑަކުދިންނަށް މަސްއޫލިއްޔަތު އުފުލަން ދަސްކޮށްދީގެން. މިގޮތުން ތަފާތު ޢުމުރުގެ ކުދިންނަކީ މަސްއޫލިއްޔަތު އުފުލާ ޒިންމާދާރު ބަޔަކަށް ހެދުމަށްޓަކައި ކުޑައިރުއްސުރެ ތަމުރީނުތަކެއް ދިނުމަކީ ބޭނުންތެރިކަމެއް.

އެނަ(2):    މައިންބަފައިން ދަރިން ތަރުބިއްޔަތުކުރުމުގައާއި، ތަޢުލީމުދޭ މުއައްސިސާތަކުން މަސްއޫލިއްޔަތު އުފުލަން ދަސްކޮށްދެވިއްޖެނަމަ އަދި ޒިންމާދާރު ބަޔަކަށް ވުމަށް ބޭނުންވާ ހުނަރުތައް އެކުދިންގެ ކިބައިގައި ހަރުލެއްވިއްޖެނަމަ އެކުދިންވާނީ މުޖުތަމަޢުގައި ވަރަށް ބިނާކުރަނިވި ރޯލެއް އަދާ ކުރާ ހަރުދަނާ ޖީލަކަށް ކަންޔަޤީން.

އެނަ(1):    ފަހުގެ ދިރާސާތަކުން ހާމަ ކުރާގޮތުގައި މަސްއޫލިއްޔަތު އުފަލަންދަސްކޮށްދީގެން ތަރުބިއްޔަތު ކުރެވޭ ކުދިންނަކީ އެމީހުންގެ ކިބައިގައި ރަގަޅުއާދަތަކާއި، މުޖުތަމަޢު ޤަބޫލުކުރާ އަޚްލާޤީ މާތް ސިފަތަކެއް ލިބިގެންވާ ބަޔަކަށްވޭ. އަދި އޭގެ އިތުރުން އެކުދިންނަކީ ކިޔެވުމުގައި ވެސް ފާހަގަ ކުރެވޭ ކާމިޔާބީތަކެއް ޙާޞިލުކުރާ އުފާވެރި ކުދިބަޔަކަށް ވެގެންދޭ.

އެނަ(2):    މިފަދަ ކުދިންނަކީ ބޮޑުވެގެން އެމީހުންގެ އަމިއްލަ ދިރިއުޅުމެއް އުޅެންފަށާއިރު މީހުންނާއެކު ހަމަޖެހޭ ގުޅުންތަކެއް ޤާއިމުކުރެވޭ މީހުންގެ އިހުސާސްތަކަށް އިޙްތިރާމު ކުރާ މުޖުތަމަޢުގައި ވަރަށްބިނާ ކުރަނިވި މުހިއްމު ރޯލުތަކެއް އަދާ ކުރާބައެއް.

އެނަ(1):     އިސްވެދެންނެވުނު ގޮތާއި ޚިލާފަށް އަޅުގަޑުމެންދަރިންނަކީ ކަންކަމަށް ފަރުވާކުޑަ މަސްއޫލިއްޔަތު އުފުލުމުގެ ޤާބިލުކަން ލިބިފައިވާ ނުވާބަޔަކަށް ވެއްޖެނަމަ ދިރިއުޅުމުގައި ގިނަގުނަ މަސްއަލަތަކާއި ދިމާވެ، ޢުމުރުން ދުވަސްވީވަރަކަށް އެކަމުގެ ހިތިނަތީޖާތައް ދެކެން ޖެހިފައިވުމަކީ ވަރަށް ގާތުގައި ވާކަމެއް.

އެނަ(2):     ދަރިންތަރުބިއްޔަތު ކުރުމުގައި އަޅުގަޑުމެންނަށް އެކުދިންނަށް ކޮށްދެވޭނެ އެންމެ މުހިއްމުކަމަކީ، މުސްތަޤުބަލުގައި އެކުދިންގެ ދިރިއުޅުމުގައި ދިމާވެދާނެ ކަންކަމާއި ކުރިމަތިލާން ދަސްކޮށްދީ މަސްއޫލިއްޔަތު އުފުލާ ޒިންމާދާރު މީހަކަށް ވުމަށް ބޭނުންވާ ހުނަރުތަކާއި ސިފަތައް އެކުދިންގެ ކިބައިގައި ހަރުލެއްވުން.

އޮޕަ:      ޑްރާމާ (ޢާއިލާއެއްގައި ދަރިފުޅާއި އެކު ހޭދަވާ ވަޤުތުކޮޅެއް) (3-5މިނެޓް) މިސްކުރިޕްޓާއެކު (ޞ:7-5)

އެނަ(2):    އިސްވެދިޔަ ޑްރާމާކޮޅުން އެގިގެން އެދިޔައީ އާދައިގެ ޢާއިލާއެއްގެ ތެރޭގައި ދަރިފުޅަކީ މަސްއޫލިއްޔަތު އުފުލާ ކުއްޖަކަށް ހެދުމަށްޓަކައި ކުރެވިދާނެ ދެތިން ކަމެއްގެ މިސާލު.

އެނަ(1):    މިފަދަ ގޮތަކަށް ދަރިން ތަރުބިއްޔަތު ކުރުމަށްޓަކައި ކުރެވިދާނެ ވަރަށް ގިނަކަންތައް ޢިލުމީ ތަފާތު ތިއަރީތަކުގައާއި ދިރާސާތަކުގައި ބަޔާންވެފައިވޭ.

އޮޕަ:      ރިޕޯޓް (މަސްއޫލިއްޔަތު އުފުލުމާއި ޒިންމާދާރު ބަޔަކަށް ހެދުމަށްޓަކައި ކުރެވިދާނެ ކަންތައްތަކާއި ބެހޭގޮތުން ލިޔެވިފައިވާ ރިޕޯޓެއް) (2މިނެޓް) މިސްކުރިޕްޓާއެކު (ޞ:8-9)

އެނަ(2):    ދަރިންނަކީ މަސްއޫލިއްޔަތު އުފުލާ ޒިންމާދާރު ބަޔަކަށް ހެދުމަށްޓަކައި ކުރެވިދާނެ ވަރަށް ގިނަ ކަންތައްތައް ދިރާސާތަކުންނާއި ތިއަރީތަކުގައި ބަޔާންވެފައިވާކަން އެގިގެން ހިގައްޖެ އެހެންނޫންތޯ.

އެނަ(1):     މަދަރުސާތަކުގައި ދަރިވަރުންނަކީ މިފަދަ ބަޔަކަށް ހެދުމަށް ކުރާ ތަފާތު ކަންކަމާ ބެހޭގޮތުން ސްކޫލުދާއިރާގެ ބޭފުޅަކާއި ބައްދަލު ކޮށްލާ ވާހަކަ ދައްކާލިން.

އޮޕަ:      އިންޓަވިއު: ސްކޫލެއްގެ ތަޖުރިބާކާރު މުދައްރިސެއް/ ސްކައުޓު ނުވަތަ ގައިޑްގެ ކަންތައްތައް ވިލަރެސް ކުރައްވާ ބޭފުޅެއް/ ސްކޫލެއްގެ އިސްވެރިއެއް.(2-3 މިނިޓް)

އެނަ(2):    ސްކޫލު މަދަރުސާތަކުން އަޅުގަޑުމެންދަރިންނަކީ ހަރުދާނާ ކުދިބަޔަކަށް ހެދުމަށްޓަކައި ރޭވެމެންދާ ތަފާތު ކަންތައްތަކެއް ފާހަގަކުރެވިގެން ހިގައްޖެ.

އެނަ(1):    ސްކޫލުގައި ރޭވޭ މިފަދަ ކަންކަމުގައި ދަރިން ބައިވެރިކޮށް އެކުދިންނަށް މަސްއޫލިއްޔަތު އުފުލާ ޒިންމާދާރު ރޯލުތަކެއް އަދާ ކުރުމަށް ފުރުޞަތު ހޯދާދިނުމަކީ އަޅުގަޑުމެންތެރެއިން  ކޮންމެ ބެލެނިވެރިއެއްވެސް ވަރަށް ސަމާލުކަންދޭން ޖެހޭ ކަމެއް.

އެނަ(2):    އަޅުގަޑުގެ އުއްމީދުކުރަނީ މިޕްރޮގުރާމަކީވެސް އެންމެހައި އެހުންތެރިންނަށް ފައިދާ ހުރި މަޢުލޫމާތުތަކެއް ފޯރުކޮށްދެވުނު ވާހަކަ ކޮޅެއް ހިމެނުނު ޕްރޮގުރާމަކަށްވުން. މިހާހިސާބުން އަޅުގަޑު ވަކިވެލާނީ އަންނަ ބުދަ ދުވަހުގެ ވެސް ހަމަ މިވަޤުތު ތިޔަބޭފުޅުންނަށް ފައިދާ ކުރަނިވި ވާހަކަ ކޮޅަކާއެކު ބައްދަލުވެލުމުގެ އުއްމީދުގައި.

ޕްރޮގްރާމު ހުށަހެޅުމުގައި ބައިވެރިވީ…………………………………………………………………………………………………………………………………………………………………………

ލިޔުނީ އާމިނަތު ޝާފިޔާ އާދަމް

ރެކޯޑްކުރީ………………………………………..

 

 

 

ޕްރޮގުރާމު ތައްޔާރުކޮށް އުފެއްދީ:     ސެންޓަރ ފޯރ ކޮންޓިނިއުއިން އެޑިޔުކޭޝަނުން އަޅުގަޑު އިސްމާޢިލު ޙަބީބު ވައްސަލާމު ޢަލައިކުމް.

ޑްރާމާ

އަޑު:      ކޮޓަރިއެއްގެ ދޮރު ހުޅުވާލުމަށް ފަހު ދޮރެއްގެ ފޮތިގަޑު ކަހާލި އަޑު.

މަންމަ:     ދަރިފުޅާ! އަވަހަށް ތެދުވޭ! މިހާރު އެއޮތް 5:45 ވީ މިއަދު ނަމާދު ކުރެވޭނީ ވަރަށް އަވަސް ކޮށްލައިގެން. މަންމަ ހީކުރީ ދަރިފުޅުގެ ގަޑި އެލާރމަށް ޖައްސާފައި ކަމަށް ހުންނާނީ.

ދަރިފުޅު:     އޫމްއޫމް……މަންމާ! ހަދާން ނެތުނީއޭ. ރޭގައި އެއްކަލައިރު ވާހަކަ ކިޔަން އޮވެފައި ނިދުނީ.( (ނިދިއަޑަކުން)

މަންމާ:     ދަރިފުޅަށް އިގޭތަ! ކަންތައްތައް ގަޑިންގަޑިއަށް ކުރުމަކީ ވަރަށް މުހިއްމު ކަމެއް. ވަޤުތު ސަލާމަތްކޮށްގެން ބޭނުންވާ އެހެނިހެން ކަންތައްވެސްކޮށްލެވޭނީ އޭރުން. އަވަހަށް ދޭ ފާޚާނާއަށް.

ދަރިފުޅު:    ލައްބަ މަންމާ!

ބައްޕަ:     ޝާހިދާ! އަދިވެސް އެސޮރު ނަމާދު ނުކުރަނީތަ! މިހާރު އެއޮތް އިރުއަރަނީ ނު. މިހާރު މާލަސްވަނީއޭ.

މަންމަ:     އާނ އެސޮރަށް ގަޑި އެލާރމު ނުކޮށް ނިދުނީއޯ. ބައެއް ފަހަރު އެހެންވެސް ވާނެނު ދޯ.

ބައްޕަ:     އެއީ ހަމަ ޝާހިދާގެ ފަރުވާ ކުޑަކަން. ތެދުވާގޮތަށް އެސޮރު ހޭލިތޯ ބަލާލިނަމަ އެހެނެއް ނުވީހެއްނު.

މަންމަ:     އާނ! އެހެން ހެދުނު ނަމަ ރަގަޅުވީސް. އެކަމަކު މުހައްމަދަށް އިގޭނު އަބަދުވެސް އަހަރެން މިމަސައްކަތް ކުރަނީ އެސޮރަކީ އަމިއްލައަށް ކަންތައްތައް ކުރަން އާދަވެފައިވާ ކުއްޖަކަށް ހެދުމަށް. ކޮންމެ ދުވަހަކު އަހަރެން ތެދުވެ އެސޮރަށް ގޮވީމަ އެކަމަށް އޭނަ އާދަވާނެ. އޭގެ ބަދަލުގައި އަމިއްލައަށް ގަޑި އެލާރމުކޮށްގެ ތެދުވަން އާދަވެއްޖެނަމަ މާބޮޑަށް ވެސް ރަގަޅުވާނެ.

ބައްޕަ:     ތީވެސް ރަގަޅުވާހަކައެއް. އެކަމަކު ބައެއް ފަހަރު އެސޮރަށް ލަސްވެދާނެތީއޭ އެހެން މިބުނީ. ހެދުނުތެދުވުން ލަސްވެއްޖެނަމަ ސްކޫލަށްދާން ގަޑި ޖެހިދާނެނު.

މަންމަ:     އާނ…. އަހަރުމެންގެ ދަރިފުޅަށް އަމިއްލަ ކަންކަމުގައާއި ދިރިއުޅުމުގައި ކުރަން ޖެހޭ ކަންތައްތަކުގައި އަމިއްލަ އަށް މަސްއޫލިއްޔަތު އުފުލަން ދަސްކޮށްދެވޭނީ އޭނާއަށް ވެސް އޭނާގެ ކަންކަމުގައި ދައުރުތަކެއް ދީގެން. މަންމަ ވާންޖެހޭނީ ހަމައެކަނި އެކަންތައްތައް ރަގަޅަށް ދޭތޯ ބަލާމީހަކަށް. ކޮންމެ ފަހަރަކު ކުރަންޖެހޭ ކަންތައްތައް އަބަދު ކިޔައިދީ ހަދަންޏާ ދުވަހަކުސް އެސޮރަށް އަމިއްލައަށް އެކަމުގެ މަސްއޫލިއްޔަތު އުފުލާކަށް ނޭގޭނެ.

ބައްޕަ:     ތިކަމާ އަހަރެން ވެސް އެއްބަހޭ. އަހަރެންނަށް ވަރަށް ކަމުދޭ ޝާހިދާ އެސޮރު ލައްވާ ކަންތައް ތިކުރުވާ ގޮތްތައް.

މަންމަ:     ހޫމް އިނގެއޭ…………..(ހިނިއައިސްފައި ހުރެ) މިއަދު މިއުޅެނީ އެސޮރު އެންމެ ކާހިތްވާ ވައްތަރުގެ ސޭންޑްވިޗް ހަދާލަދޭން.

ބައްޕަ:     އާނ އޭނައަށް ވަރަށް މީރުދޯ ތިކަހަލަ ސޭންޑްވިޗް. ޝާހިދާ އެސޮރު ލައްވާ ކަންތައް ކުރުވާގޮތް ވަރަށް ރަގަޅު. ކުރީދުވަހުވެސް ޝާހިދާ ބުނިއަޑު އަހަރެން އެހީމޭ! ދަރިފުޅު އެކި ކަންތައްތައް ކުރަން ފަށާ ގަޑިއާއި ނިމޭގަޑި ނޯޓުކޮށްލަންވީނޫންހޭ އެހެން ހެދީ އެސޮރު މިހާރު މާގިނައިން ކާޓޫނު ފިލުމު ބަލާތީ ދޯ.

މަންމަ:     އާނ..ނ… އެއީ އެސޮރަށް ގިނައިން ފިލުމު ބެލޭކަން، އެކަމަށް ވަރަށް ވަޤުތު ހޭދަވާކަން، އެންމެ ރަގަޅަށް އިހްސާސްކުރެވޭނީ އޭނަ ލައްވާ އެގަޑިތައް މޮނީޓަރ ކުރުވައިގެންވީމަ. އަދި އަމިއްލަ އަށް ކުރެވޭ ކަންކަމުގެ ތެރެއިން މުހިއްމުކަންކަން ފަސްކޮށް، ވަޤުތުތައް ބޭކާރުވީ ކަންކަން، ފާހަގަ ކޮށްލެވޭނެނު އެހެން ހެދީމަ ދޯ.

ބައްޕަ:     މަގޭ އަންހެނުން ވަރަށް ބޯވެސް ބޮޑޭދޯ!. ހޫމ އަނެއްކާ އެއޮތް ލަސްވަނީ އެސޮރަށް ގޮވާބަލަ އަވަސް ކުރާށޭ!

މަންމަ:     ސާބަސް! މަގޭ ފިރިމަނިކުފާނަށް! އެސޮރަށް އިގޭނޭ ގަޑިޖެހޭނެކަން، އަވަސްކުރަން ޖެހޭނެ ކަން. މިހާރު އެއީ ގުރޭޑް5 ގައި އުޅޭ ބޮޑުކުއްޖެކޭ. ގަޑިއަށް ތައްޔާރު ވާނޭ. އޭނައަށް އަބަދު ގޮވާ ހެދީމަ……………..( މަންމަގެ ވާހަކަ ނުނިމިނީސް ބައްޕަ ބުނުން)

ބައްޕަ:     ހޫނހޫނ… އެގިއްޖެ އެގިއްޖެ… މަސްއޫލިއްޔަތު އުފުލާކަށް ނޭގޭނެ. (މަޖާ ރާގަކަށް)

މަންމަ:     އިގޭތަ! އަހަރެން ދުވަހަކުވެސް އެސޮރު ސްކޫލުން ހަވާލު ކުރާމަސައްކަތް ކުރާގަޑީގައި އަބަދު ހަދާށޭ ކިޔަކިޔާ އެސޮރުގާތުގައި ނީންނަމޭ. ހަމައެކަނި ސްކޫލުގެ ކިޔެވުން ފެށޭއިރު އެސޮރުލައްވާ އަމިއްލައަށް ހޯމް ވާރކު ހެދުމަށް ހަމަޖައްސާފައިވާ ގަޑީގައި އެކަން ކުރޭތޯ ދޭތެރެއަކުން ބަލާލަން. ދެން ކޮންމެ ދުވަހަކު ފޮތްތައް ބަލާ ސްކޫލުގެ ކަންކަމާ ބެހޭގޮތުން ވާހަކަ ދައްކާ ހަދަންޏާ އެގޭނެނު އޭނާގެ ސްކޫލުގައި ކަންތައްތައް ދާގޮތް ދޯ.

ބައްޕަ:     އެކަމަކު: އެހެން އުޅެފައި ހޯމްވާރކެއް ނުނިންމާ އޮވެއްޖެއްޔާޔޯ.

މަންމަ:     އާން ބައެއްފަހަރު އެހެން ދިމާވީމަ އެކަމާއި ބެހޭގޮތުން ވާހަކަ ދައްކަމޭ. ބުނަމޭ މަންމަ ހީކުރަނީ އަބަދުވެސް ދަރިފުޅު ކުރަންޖެހޭކަންތައްތައް ގަޑިގަޑިން އަށް ކުރާނޭ ކަމަށޭ، އެހެން ބުނެފީއްޔާ އެސޮރު ވަރަށް ދެރަވާނެ.(މަޑުމަޑުން ހީލާފައި) އެއީ ވަރަށް ބޮޑަށް ކަމެއް ގޯސްކޮށް ހިގައްޖެކަން ފާހަގަ ކުރެވިގެން ބުނާ އެއްޗެއް ވީމަކަންނޭގެ….. ވަރަށް މަދުންދޯ އެކަހަލަ ކަމެއް ދިމާވަނީ ވެސް. (ހަމަޖެހިލާފައިވާ ރާގެއްގައި)

ދަރިފުޅު:    މަންމާ! އަދިވެސް މަންމައާއި ބައްޕަ ތިތިބީ ވާހަކަ ދައްކާކަށްނު މިހާރު ރާއިދު މިއައީ ކޮޓަރިވެސް ރީތިކޮށްލާފައި ތައްޔާރުވެގެން.

ބައްޕަ:     މަންމަ ދަރިފުޅުގެ އިންޓަވަލަށް ސޭންޑްވިޗް ހަދަނިމެންދެން މިއިނީ. ބައްޕަ މާކުރިން ތައްޔާރުވެގެންނޭ މިއިނީ ދަރިފުޅާ!

މަންމަ:     ދަރިފުޅު! އަނ މިއޮތީ އިންޓަވަލު ތައްޔާރުވެފައި. ވަރަށް ރަގަޅަށް ފިލާވަޅުތައް ހަދައްޗޭ.. .. މަންމަ ވަރަށް އުފާވިއޭ ދަރިފުޅު ކޮޓަރި ރީތިކޮށް ހަދާލީމަ.

ބައްޕަ:     އާނ ހިނގާ ދާންދޯ ދަރިފުޅާ.

އަޑު:      ގޭގެ ދޮރު ލައްޕާލާފައި ހިގައި ގަތް އަޑު.

ރިޕޯޓް

ޒިންމާދާރު ނުވަތަ މަސްއޫލިއްޔަތު އުފުލުމުގެ މާނައަކީ ކަމެއްގައި މީހެއްގެ މައްޗަށް ބުރަވެވި އެކަން ރަގަޅަށް ދާނެކަމުގެ ޔަޤީންކަމެއް އަނެކާގެ ހިތުގައި އޮތުމެވެ. ޒިންމާދާރު ކުއްޖެކޭ ބުނަނީ އެކުއްޖަކު ކުރަންވާކަމެއް ޤަވާޢިދުން މީހަކު ބުނުމަކާއި ނުލައި ކުރުމާއެކު ހަދާންކޮށް ދޭންނުޖެހުމެވެ. ހަމައެހެންމެ ޒިންމާދާރު ކުއްޖެކޭ ބެނެވޭނީ އެކަމެއް ނުކުރެވުމުން ދިމާވެދާނެދަތިތަކަށް ހޭލާ އެކަން ކަން ރާވާ ކުރާނެގޮތްތަކެއް ހިތުގައި އޮންނަ ކުއްޖާއަށެވެ. އަދި މިގޮތަށް ކަންތައް ކުރާ ކުދިންނަކީ އަމިއްލައަށް ކަންތައްތައް ކުރިޔާލާ ރާވައިގެން ނިންމާ ކުދިންނެވެ.

މަސްއޫލިއްޔަތު އުފުލާ ޒިންމާދާރު ކުދިން ކަންކަމުގައި މާގިނަ ޢުޒުރުތަކެއް ނުދައްކާނެއެވެ.  އަދި ކަމެއް ނުވުމުން އެހެންމީހަކާހެދި އެކަން ނުވީކަމަށްވެސް ފާހަގަ ނުކުރާނެއެވެ. މިފަދަ ކުދިންގެ ސުލޫކު ހުންނާނީ އެހެންމީހުންނަށް އެކުދިންނަށް އިތުބާރު ކުރެވޭ ފަދަ ގޮތަކަށެވެ.

މަސްއޫލިއްޔަތު އުފުލަންދަންނަ ކުދިން އެމީހުންގެ ދިރިއުޅުމުގައި ދިމާވާ ކަންކަމުގައި އިސްރޯލެއް އަދާކުރާނެއެވެ. ކަންތައްތައް ރާވާ ގަޑިގަޑިން ކުރާނެގޮތުގެ ތާވަލުތައް ހަދާ އަމިއްލައަށް ފަރުވާތެރިވާނެއެވެ. އަމިއްލައަށް ކަންތަކުގައި ޤަރާރުތައް ނަގާ ބޮޑުވުމުން ޢާއިލާއަށާއި މުޖުތަމަޢަށް ފައިދާ ހުރި ބަޔަކަށް އެކުދިން ވާނެއެވެ.

ކުޑަކުދިން ޅައިރުއްސުރެ ޒިންމާދާރު ބަޔަކަށް ހެދުމަށް މަސައްކަތް ކުރުމަކީ ވަރަށް މުހިއްމު ކަމެކެވެ. އަދި މުޖުމަޢުގައާއި ޢާއިލާގައި އެކުދިންގެ ދައުރުތަކެއް ރޯލުތަކެއް ހަމަޖައްސާ ކަންކަމުގައި ގިނައިން ބައިވެރި ކުރުމަކީ ވަރަށް ސަމާލުކަން ދޭންޖެހޭ ކަމެކެވެ.

އެރިކްސަން 1956 ފާހަގަ ކުރައްވާގޮތުގައި ކުއްޖާގެ ޢުމުރުން 3އަހަރާ ބައިން ފެށިގެން ކުއްޖާއށް ކުރެވޭ ކަންކަމުގައި އޭނާއަށް އިސްރޯލެއް ދިނުމަކީ މުހިއްމު ކަމެކެވެ. އަދި އެކަން ގޯސްކޮށް ނުވަތަ ރަގަޅަށް ކުރިނަމަވެސް އެކަން ކުރުމަށް ފުރުޞަތުދީ ތަފާތު ކަންކަން ތަޖުރިބާ ކުރުމަށް މަގުފަހިކޮށްދިނުމަކީ މިކުދިންނަކީ މުސްތަޤުބަލުގައި ޒިންމާދާރު ބަޔަކަށް ހެދުމަށް އެހީތެރިވެދެވޭނެ ގޮތްގޮތެވެ. މިސާލަކަށް އެންމެ ޅައިރު ބޫޓުގެ ނާޑްވާ އައްސަން އުޅޭއިރު ނޭގުނު ނަމަވެސް އޭނާ އެކަން ކުރުމަށް ފުރުޞަތު ދިނުމަކީ އެންމެ ރަގަޅު ގޮތެވެ. ހަމައެގޮތަށް މިޢުމުރުގެ ކުއްޖެއް މަންމައަށް އެހީތެރިވެދިނުމުގެ ގޮތުން އެނދު ރީތި ކުރަން އުޅެފިނަމަ އެކަން ކުރުމަށް ފުރުޞަތު ދޭށެވެ. އޭނައަށް އެކަން ކުރެވިފައިވާގޮތް ރަގަޅު ނޫންނަމަ އޭނާ ނެތިސް އެތަން އަލުން ރީތިކޮށްލާށެވެ. ދަރިން މިގޮތަށް ކުރާކަންތައްތަކުގެ ޢައިބުހޯދާ ފާޑުކިޔާ ހެދީމަ އެކުދިން ކަންތައްތައް ތަޖުރިބާ ކުރުމުން ދުރުހެލިވާނެއެވެ.

ދަރިން ޒިންމާދާރު ބަޔަކަށް ހެދުމަށްޓަކައި ކުރެވިދާނެ ކަންކަން

• ދަރިފުޅާއެކު ކުރަންޖެހޭ ތަފާތު ކަންތައްތަކާ ބެހޭގޮތުން އެއްބަސްވުންތައް ހަދާށެވެ.
• ކަމެއް ގޯސްކޮށް ކުރެވިއްޖެނަމަ، އެކަން ރަގަޅުކުރުމަށް ކުރެވިދާނެ ކަންކަމާ ބެހޭގޮތުން މަޝްވަރާކޮށް އެދަރިފުޅަށް އެކަން ރަގަޅުކުރެވޭނެގޮތް ވިސްނަން ފުރުޞަތުދޭށެވެ.
• ދިރިއުޅުމުގައި ކަންތައްތައް ދިމާވެދާނެ ގޮތާއި ނިންމަން ޖެހޭ ކަމެއް ގަޑިއަށް ނުނިމުމުން ދިމާވެދާނެ ދަތިތަކާއި އަދި ކަމެއް ގޯސްކޮށް ހިގައްޖެނަމަ ކުރިމަތިލާން ޖެހިދާނެ އުދަނގޫތަކާއި މެދު މަޝްވަރާކޮށް ހަދާށެވެ. މިގޮތުން މަޝްވަރާ ކުރާއިރު އެމަޝްވަރާ ކުރާ ޢުމުރުގެ ކުއްޖެއްގެ ދިރިއުޅުމުގައި ހުންނަ މިސާލުތައް ނަގައިގެން ވާހަކަ ދެއްކުން ރަގަޅެވެ.